Награди

ЈУДГ „Буба Мара“ учествуваше на ЧЕТВРТИОТ ЛИКОВЕН КОНКУРС за наградата „МИНИ КРЕАТИВЦИ 2024“ на тема: „КОРИЦАТА НА МОЈАТА СЛИКОВНИЦА“ што се организираше во чест на 2 АПРИЛ - Светскиот ден на книгата за деца, а траеше до 28.03.2024 година во организација на Едука Мак и се стекна со:
СПЕЦИЈАЛНА НАГРАДА за целосно изготвена сликовница со корица, текст и илустрации што се состои од:
• Плакета и ПАКЕТ од 10 книги за градинката ЈУДГ „БУБА МАРА“ (Општина Аеродром) од Скопје.
• Признанија за воспитувачите – ментори и учесници во изработката на сликовницата: Марга Ставрова и Борка Гичева.
• Благодарници за децата (учесници - илустратори): група „ШЕЌЕРЧИЊА“, објект „СОНЦЕ“.
Со овој проект се исполни
ЦЕЛТА: Поттикнување на креативноста, детското творештво, естетските чувства и фантазијата кај децата, негување на чувствата за книгата - сликовницата, со задача да се открие детската индивидуалност, љубов и размислување за сликовницата.
Избраните ликовните творби на децата ги исполнија сите критериуми на детски цртеж. Илустрациите ја отсликуваа имагинацијата на детето за тоа како би изгледала корицата на една книга за деца – сликовница, а мотивите извираат природно и естетски сообразени со нивната возраст и нивните интереси.